Johannna Elisabeth HOCHSTETTER
1764 - 1815 (51 Jahre)1. Johannna Elisabeth HOCHSTETTER wurde geboren 8 Jan 1764, Neuenstadt a.d.Kocher; gestorben 19 Feb 1815, Neuenstadt a.d.Kocher. Johannna — Johann Gottlieb Ulrich Härlin. Johann wurde geboren 19 Okt 1743, Wildberg; gestorben 13 Nov 1799, Wimpfen. [Familienblatt]
Kinder:
- 2. Johanna Chr. Christiane HÄRLIN wurde geboren 30 Aug 1797, Wimpfen; gestorben 20 Jul 1856, Ludwigsburg.
Generation: 2
2. Johanna Chr. Christiane HÄRLIN (1.Johannna1) wurde geboren 30 Aug 1797, Wimpfen; gestorben 20 Jul 1856, Ludwigsburg. Johanna heiratete Georg Friedrich Heinrich Schoder 4 Mai 1817, Neuenstadt am Kocher, Deutschland. Georg (Sohn von Johannes Eberhardt Gottfried Schoder und Karoline Friederike Wilhelmine Geyer) wurde geboren 19 Sep 1786, Möckmühl; gestorben 6 Jul 1852, Stuttgart, BW, D. [Familienblatt]
Kinder:
- 3. Marie Friederike Wilhemine Wilhelmine SCHODER wurde geboren 12 Dez 1818, Wurmlingen; gestorben 4 Jun 1840, Ludwigsburg, Kreis Ludwigsburg, Baden-Württemberg, Deutschland.
Generation: 3
3. Marie Friederike Wilhemine Wilhelmine SCHODER (2.Johanna2, 1.Johannna1) wurde geboren 12 Dez 1818, Wurmlingen; gestorben 4 Jun 1840, Ludwigsburg, Kreis Ludwigsburg, Baden-Württemberg, Deutschland. Notizen:
Beim beste Wille, aber mir
hend au heut wieder koi gscheits Jubiläum. Ond des ausgrechnet
direkt vorem Christtag.
Aber wenn Ihr nex drgege hend, no konstruieret mr halt
ois :
Erstens:Vor 2oo Jahr, am 16. November 1796 isch (wie ausführlich
im Feuilleton der StZ berichtet) der Louis Hallberger,
der Gründer von dr DeutscheVerlags-Astalt, en Plochenge
uff d'Welt komme.
Zwoitens:Vor 25 Jahr, am 14. Januar 1972 isch der Keenich
Frederik IX. von Dänemark gstorbe ond no am gleiche Dag
sei Mädle Margarethe als Keenigin nakornrne.
Drittens:Vor 30 Jahr, am 10. Juni 1967 hat dui Margarethe
den franzeesische Diplomate Henri de Laborde de Monpezat
gheiratet.
Ond dem Henri seim Vatter sei Muetter isch au a Hallbergere
gwä aus Wirteberg. Ond wenn mr genau naguckt, no stammt
der Henri sogar aus Degerloch ond isch a leibhaftigs Vetterle.
Ehrlich wahr!
Fanget mr jetz vo vorne a: Der Louis Hallberger (1796-
1879) von dr DVA hat en Cousin ghet (ihre Vätter send Brüeder
gwä),.den Pfarrer Dr.phil.Christian Friedrich Immanuel
Hallberger (1800-1872) Der isch anno 1838 Pfarrer en
Stammheim (henter Zuffehause) worde, ond sei Weib, Johanna
Wilhelmine, geb. Kößler (1799- 1857), a Muetter von
acht Kender, vo dene no vier glebt hend, hat'r ens Kurbad
gschickt.
Ond für dui Zeit hat'r sich ebber herdo für de Haushalt
ond als Kendsmagd, a venvandte, »die 19-jährige sehr hübsche
und gescheite« Marie Schoder (1818 - 1840) Ihr Vatter hat en
Ludwigsburg uffmFinanzamt gschafft als Kanzleirat.
Ond des scheene Jüngferle isch halt ame scheene Dag kois
meh gwä, ond eb sich d'leut richtig s'Maul verrisse hend, hat
dr Herr Hallberger, kaum daß'r a paarWoche en Stammheim
gwä isch, am 18. August 1838 a Studienreise nach Hessen ond
an Rhein beantragt ond isch am 26. August Hals über Kopf
auf ond drvo. Direkt nach Paris, ond dort hat'r a Weile für
seinVetterVerleger gschafft.
Des scheene Mariele aber hat am 25. März 1839 em badische
Sickingen a Büeble, en Eugen Ludwig Heinrich, uff
d'Welt bracht, dort homme hat se Verwandtschaft ghet, die
hend nach're guckt.Am 6. Juni 1840 aber isch se en Ludwigsburg
am Schleimfieber gstorbe. No so jong.
Den Eugen aber hat sei Tante großzoge, dui Karoline
Schoder, seire Muetter ihr jöngste Schwester. Ond dui hat
des Kend mit nach Frankreich gnomme ond hat anno 1854
den drvogloffene Herr Hallberger, wo jetz als Deutschlehrer
gschafft hat ond seit 1840 gschiede gwäisch, sogar no gheiratet.
Der Eugen aber hat sich später Louis-Eugene Halberg
ghoiße ond isch kadolisch ond Professer für deutsche Literatur
an dr Universität Toulouse worde für über 30 Jahr.
Ond dem sei Mädle Henriette hat anno 1904 den Henri
de Laborde de Monpezat gheiratet, den Großvatter von dr
Margret ihrem Prinz Henrik von Dänemark. Der isch anno
1934 en Talence en dr Gironde uff d'Welt komme. Ond sei
Graoßer, der Kronprinz Frederik, goht au bald uff die
Dreißich zue, ond isch emmer no net gheirat. (Hat ja au no
Zeit, siehe Urururgroßvatter Hallberger).
Des älles stemmt so, ond hat der Landeschefgenealoge
Prof. Dr. Gerd Wunder aus Schwäbisch Hall (t 1988) mitsamt
dem Professer Decker-Hauff (t 1992) dles rauskriegt. Die
dänische Hofberichterstatter aber schreibet einen overschämten
Lohkas zamme: r>Hallberger hielt Frankreich für
das Land, das die besten Voraussetzungen für seine neuen
liberalen Gedanken bot, und deswegen wanderte er 1840 aus
und wurde französischer Staatsbürger.« Scheißele, Herr Eisele!
Siehe oben.
Ond bscheißet dem Henrik en Haufe adlige Vorfahre uff
sei Ahnetafel, daß's scho nernme schee isch. Tatsächlich send
dem Henrik vo seine 32 Urururgroßeltern 31 bürgerlich
(was gar koin Nachteil isch), ond er hat grad amol oin Adlige
druff, nämlich den Laborde de Monpkzat. Ond von dem saget
manche Genealoge, die L(')aborde seiet grad so a bschissener
Adel wie dr Schisscard d'Estaing.
Sei's drom, über Degerloch hat der Henrik doch no seine
hochfürstliche Vorfahre: Sein (ond onser) Zehnmolurgroßvatter,
der Magister Christoph Raff (t 1591, Pfarrherr zu Degerloch
ond »Ahnherr von Bauern, Bundespräsidenten und
Königen« ond vom scheene, arme Mariele Schoder) isch
nämlich mit'me ledige Sprößleng vom Graf Ulrich dem
Vielgeliebten vo Wirteberg gheirat gwä.
Ond so wöllen wir die Gelegenheit nutzen, onsermvetter
Henrik seiner guten ond gscheiten, aber nikotinsüchtigen
Margarethe (au onser Bäsle, da vielfache Nachfahrin vom
Grafen Ulrich) herzlich zom baldigen silbernen Regierungsjubilaum
zu gratulieren ond ihr ond ons ällen einen scheenen
Christtag zu wünschen. Ond daß se nemme so arg raucht.
Gerhard Raff
aus "Schwäbische Geschichten"
Marie — Christian Friedrich Emmanuell Hallberger. Christian wurde geboren 26 Mrz 1800, Vellberg; gestorben 9 Mrz 1872, Agen, Lot-et-Garonne. [Familienblatt]
Kinder:
Generation: 4
4. Eugen Ludwig Heinrich Hallberger (3.Marie3, 2.Johanna2, 1.Johannna1) Eugen — Claire Vernhes. [Familienblatt]
Kinder: